استغاثة

السيد رئيس الجمهورية

السيد وزير الشباب والرياضة

نحن فرسان وملاك خيول في استاد القاهرة للفروسية الاستاد طول عمره ملك الدولة من وقت ما اتاجر حق انتفاع لشركة يملكها احد رجال الأعمال من ٥ شهور واحنا وخيولنا متبهدلين ولادنا عندهم بطولات وممنوعين من التمرين الاسبوع ده تم منعي وباقي فرسان الأكاديمية من الدخول مع اننا مستأجرين وملتزمين بدفع الإيجارات بالرغم من الخدمة السيئة جدا وحالة الاسطبلات المذريةوالشركة استعانت بافراد لاول مرة نشوفهم في الاستاد في منتهى التعسف لدرجة انهم منعو الفرسان من الدخول لارض الاستاد لمزاولة تدريباتهم و قفلو بيني وبين بنتي طفلة عمرها عشر سنوات بوابة حديد والنتيجة ان بنتي وقعت والحصان من الخوف داس على رجلها عملتلها إصابة الشركة بتتعمد تعسفنا وتطفشنا وده اخلال صريح بلايحة الاستثمار الرياضي اللي بتحدد انه لا يجوز بأي حال الأضرار بالرياضة ولا يجوز بأي حال تعطيل وتعمد الأضرار بمصالح الرياضيينسيادة الرئيس احنا اولى باستاداتنا الوطنية طالما ملتزمين بالقواعد وبندفع الإيجاراتسيادة الرئيس سيادتك دعيتنا للتوجه للرياضة وتشريف اسم بلدنا. ازاي ده هيتم في جو فاسد من التعسف وتعمد الأضرار بالخيول والفرسان سيادة الوزير الفروسية رياضة نبيلة مش تجارة ايجار البوكس اتضاعف ٣ مرات وياريت اتقدملنا خدمات كويسة بالعكس يتم البلطجة علينا وتعمد الأضرار بحيوانات بريئة ملهاش ذنب الحصان اللي بيتسجن في بوكس ٣ متر. غير مطابق لابسط مواصفات صحية ردئ التهوية مافيش صرف صحي مافيش تغطية جيدة في الشتا بدون خروج لمدة شهر بيمرض الخيل دي مسجلة في الاتحاد المصري والولاد دول فرسان مصر لا يصح تركنا في مواجهة شخص رده الوحيد علينا طول الوقت اللي مش عاجبه يمشي انا مشتري المكان وانا حر فيه هل حقا تم بيع استاد الفروسية كما يدعي هذا الشخص فقدنا بالفعل اتنين من خيولنا هل ننتظر نفس المصير ل ٢٦ حصان ارجو من سيادتكم سرعة التدخل لإنقاذ أولادنا وخيولهم من المصير المؤسف دهالإهمال قتل حصاني ومش عايزة خيول تانية تموت

استادالقاهرةالفروسية